Патувањето е возбудлива можност да истражиш нови дестинации и да креираш трајни спомени. Сепак, кога желбите се големи и трошоците поврзани со патувањето брзо растат, па затоа е важно да најдеш начини да штедиш пари без да жртвуваш многу од искуството. Во овој блог ќе споделиме практични трикови за штедење пари кои се применливи на секое патување, а со кои најпаметно ќе го искористиш твојот буџет за уживање.

Резервирај сместување однапред

Туристичките агенции сакајќи да се осигурат дека нивните сместувања ќе бидат распродадени за целата сезоната, често даваат попусти за рана резервација. Во овој период цените се значително пониски, а сместувањата со најдобри услови затоа што ти бираш прв каде, кога и што сакаш. 

Патувај вон сезона

Разгледај патување за време на вонсезонски периоди за да искористите пониски цени на превоз и сместување. Во лето, тоа се месеците мај, јуни, крајот на август и септември. Покрај тоа што ќе заштедиш пари, ќе уживаш во помалку натпреварување и поопуштена атмосфера.

Избери буџетски сместувања

При изборот на места мора прво да знаеш што ти е пресудно за убав одмор. Посебна спална, кујна, близина до плажа, лежалки во цената и сите такви дополнување ја зголемуваат цената на сместувањето. Одбери што од тоа ти треба, а што не, за да добиеш цена која ти одговара на твојот буџет. 

Готви

Излегувањето во ресторани за секој оброк е прескапо, па затоа размислувај и на алтернативите. Каде и да се одлучиш да патуваш, биди сигурен дека ќе најдеш пекари и сендвичарници со поевтина и вкусна храна каде што можеш да пробаш локални специјалитети. Тие се вообичаено поевтини. На крајот, секако останува опцијата готвење. Чини помалку, но одзема најмногу време. 

Одбери организиран превоз

Сезонски понуди за одмор вообичаено вклучуваат превоз во цената и тоа е значително поевтино од патување со сопствен автомобил. Тоа е затоа што агенциите може да добијат поевтини цени праќајќи поголеми групи на луѓе на одмор.

Следи ги трошоците

Во текот на патувањето води грижа за трошоците за да се осигураш дека ќе останете во рамките на буџетот. Користи апликации како TravelSpend, Trabee Pocket и Tripcoin или табели за следење на трошоците во реално време. Вака ќе знаеш кога претеруваш, а кога можеш да се почестиш.

Сè што ти треба е само внимателно планирање и малку креативност за да уживаш во фантастично патување без да го надминеш буџетот.